· Сидней хотын баруун өмнөд хэсэгт орших Жорж голын эрэг дээр сураггүй алга болсон эрийг эрэн хайх ажиллагаа үргэлжилж байна. Өчигдөр оройн 22.50 цагийн орчимд эрэн хайх ажиллагааг эхлүүлсэн байна. Цагдаа нар PolAir болон Тэнгисийн цэргийн бүсийн командлалын тусламжтайгаар эрэн хайх ажиллагааг эхлүүлжээ. Одоогоор эрлийн багийнхан эзэнгүй завь болон хар седаныг олоод байна.
· Ерөнхийлөгч асан Дональд Трампын сонгуулийн кампанит ажлийн талаар мэдээллийг хакердаж, дотоод нууц бичиг баримтыг хулгайлж, тараасан хэрэгт Ираны жүжигчид оролцсон гэж таамаглаж байгаа юм байна. Ираны жүжигчдийн оролцооны талаар тодорхой нотлох баримт одоогоор дэлгэж гаргаагүй байгаа ч Microsoft 2024 онд АНУ-ын аливаа үйл ажиллагаанд хөндлөнгөөс оролцохыг завдсан гадаадын байгууллага хувь хүмүүсийн оролдлогын талаар нарийвчлан харуулсан тайланг гаргаснаас нэг өдрийн дараа мэдэгджээ.
· Симон Байлс Парисын Олимпын наадмаас дөрвөн медаль хүртсэнээр АНУ-ын түүхэн дэх хамгийн өндөр амжилттай гимнастикч болоод байна. Түүний энэхүү алдар хүнд нь АНУ-д үйлдвэрлэлээ явуулдаг спорт хувцасны нэгэн брэндийг анхаарлын төвд оруулж чадлаа. Пенсильвани мужийн Рединг хотод үйлдвэртэй “GK Elite” нь Симон Байлс, Парисын Олимпоос гурван медаль авчирсан Суни Ли тэргүүтэй америк гимнастикчдын өмсгөлийг урладаг аж. Тамирчдын амжилтын ачаар дээрх компанийн борлуулалт энэ удаагийн Олимпын наадмын үеэр цөөн хэдхэн хоногт гурван жилийн өмнөх Токиогийн Олимпын үеийн борлуулалтаа гүйцжээ. Орлогынх нь дийлэнхийг АНУ-ын багийн өмсгөлтэй ижил өмсгөлийн борлуулалт эзэлсэн байна. Тэрхүү өмсгөлийг багийнхан Франц явахаасаа өмнө сурталчлан танилцуулсан юм.
